(( جـيت
المـكان ))
جـيت المكان اللي جـمـعـنا من سنين
وقت(ن) مضى يا
الله عسى تذكرينه
أيـام جــيـرتنا وفـ بيــوت مـن طــين
يا زيـن ذاك
الـبيـت يـا زيـن طـــينه
ذاك المـكان اللي جــمـع بـين قـلـبين
قـلـبي وقـلـبـك
مــع هـــناه وحـــنينه
وإن كـان ناســيته اذكّــرك هالحـــين
عـن كل شي(ن)
راح واقفـت سـنينه
مدفون في صدري وعندي مضامين
ذكــرى قـديمــة
فـي أيـــادي أمـــينه
اتـذكــــر اللـي فـــات ويـاك يـا زيـن
وابكـي على
اللي فـات واقــول وينـه
ذكـرى قـديمــة كــنهـا قـبـل يـومــين
حـــب النـقـــا
يـا بنت يـومـــك تبيـنه
يومـك إلى مـن غــبت يا بنت تبكـين
يوم الضــنين
يخــاف فرقى ضــنينه
واليـوم قـفــيتي وصــرتي تـصــدين
الله يـعــــيـن
القـــلـب الله يـعـــــيـنـه
تغـــيرت عـندك ظــروف ومـوازين
صـرتي سـجـينة
هم صرتي سـجـينه
ما عـاد صـرتي يا الحـبيبه تحـســين
احــــســاســـنا
الأول يـا بنت ويـنــه
راح وتلاشـى وأصـبح الهـم هــمـين
والمـوت
اشـوفه صدق قد حان حينه
يا بنت أنـا طــالبك يـا بنت تـكــفــين
حـــبل الوصـل
يا بنت لا تقـطــعـينه
حـنّي على اللي عاش عيشة مساجين
وأيام عـمــره
مـظـلـمــات وحــزينـه
يبـكـي فـــراقـك يـرجــي الله تـرديـن
يا بنت
مـحـــبـوبك مـتى تـرحــمـينه
شعر
إبراهيم بن
عبدالعزيز القدير
ليست هناك تعليقات:
إرسال تعليق