(( راح وتركني ))
راح وتركني يحسب القلب يرجـيه
راح وتركـني ويحـسـب اني بكـيته
ما يدري ان القلب ما جاب طـاريه
مـا يدري المحـــبـوب إني نســــيته
تكـفـون قـولو له ترى القلب ناسيه
ويحـــــرم عـلي اليـــوم أمــر بيـته
من صـد عني وابتعـد في خـطاويه
يرحـل ولو لأجــله فـؤادي وطــيته
الراس فـوق ودايم يشــوف عـــاليه
ما قـد حــنيت الراس ما قـد حــنيته
قدري رفـيع وماخـــــلق من يوطيه
والحـب مـات ومن فــؤادي محــيته
ربي خـلق لي شي دوم افـتخـر فـيه
قـلب(ن) إلى منّه عصاني عـصـيته
شعر
إبراهيم بن عبدالعزيز القدير