(( حـريملاء ))
ياهـل المـلتقـى بســــأل عـن الديـرة
حـريملاء كـيفها وكيف الوضـع فيها
ابطيت عنها عسى تأخـيرتي خــيرة
ديرة هلي لا حـشـى ما نيب ناســيها
والله والله الا من جــــاء لهـا ســـيرة
يفــــز قلـــبي لانه حـــيل يغـــــليهـا
كل المــدن منك والله صـابها غــيرة
كل(ن) تمنى يجي من ضمن اهاليها
ديرة اهــلها عـسـل سكر بعـد شـيرة
يا زينـها صــدق ويا محـلى مـبانيها
يا ديرتي شـــاعـرك بلغــك تقــديرة
يا ديـرة العــــز قـاصــــيها ودانيـها
القلب هـايض وهـذا بعـض تعــبيرة
فحـريملاء جـعـل ربي دوم يسـقـيها
شعر
إبراهيم بن عبدالعزيز القدير
ليست هناك تعليقات:
إرسال تعليق