(( الذكريات ))
يا صـــاحـبي انتـهى مـا بينك وبيني
تكـفــيني الذكــريات اللـي على بـالي
ما عاد ابي غـيرها لو جيت تعـطيني
لا تحــســب إنك إلين اليـوم ذا غـالي
أول احــبك ولجـــلك تدمــع العـــيني
واليــوم ابشــــرك قلبـي داله وســالي
الحــب ذاك انتـهى مـا عــاد تعــنيني
الحــب مات ودفـنته بالخــلا الخــالي
اليوم ابنسـاك وانسى عـشـرة سـنيني
مــثل مـا قلــبك نســــاها أول وتــالي
اليــوم حــتى وفــــــاتك مـا تبـكــيني
مـوتتك هي مـنيتي من بعــد غـربالي
فـرقـاك هي منوتي وبعـــدك يسـليني
فـرقــاك يا صــاحبي هي آخـر آمالي
كرهـت أنا عـشــرتك والهـم طـاويني
عز الله إن عشرتك تقضي على حالي
عــافـتك نفـسـي وعـافك كل ما فـيني
مـليت يا صـاحـبي من كثر الإهـمالي
شعر
إبراهيم بن عبدالعزيز القدير
ليست هناك تعليقات:
إرسال تعليق