الثلاثاء، 14 فبراير، 2012

لمــار يا بنتي

(( لمــار يا بنتي ))

لمــــار يا بنتي يا كـــل الامــــــاني
لمــــار يا بنتي عـســى الله يخــليك
ابــوك يا بنتـــي بدونـــك يعــــــاني
ابـوك فكـره دايم(ن) منشـغل فـيـك
والله تـــراني لو فــقـــــدتك ثـــواني
اشـــتاق لك وانا اسمع امك تناديـك
انتي غـــديتي دوم مصـــدر حنانـي
حــتى وانا نايم اشــــوفك واحاكيـك
في جــــيتك افــــرح ويحلى مكانـي
ومن الفـــرح دايــــم اقـــبل اياديـك
يا ســـــيدة كل البشــر في زمــــاني
مابه احــــد عندي بقدرك يســاويـك
عـــز الله انك ســــاكنه بالمـحــــاني
في وسـط قلبي سـاكنه دون تشـكيك
اعـطيك انا روحي وبعـد ما كـفانـي
مهما طلبتي حالف(ن) دوم بعـطـيك
وغـلاي عــندك لا حـشى ما خفاني
ادري بقدري ساكن(ن) في محانيك
كـتبت لك شــعري وزين المــعـاني
وطلبت لك رب الملا دوم يحـمــيك

شعر

إبراهيم بن عبدالعزيز القدير

ليست هناك تعليقات:

إرسال تعليق