الثلاثاء، 14 فبراير 2012

اخــيرا جـيت



(( اخــيرا جـيت ))

اخــيرا جـيت من بعـــد الشـــقا والهــم والغــربال
اخــيرا جـيت تســـألني وش اللـي صــار بغـــيابك
اخــيرا جــيت يا قاسـي تبي تســـأل عن الاحــوال
تبي تعـرف وش اللي صـار في قلبي من اســبابك
خـلاص ابشــر ابكـتب لك تحــمــل لو كلامي طـال
تحــمــل كل ما اكـتب وحــاول تمـســك اعـصـابك
بعــد فـرقـاك انا مرتاح نســيت البعـــد والترحــال
نسـيت الشـوق والغــيره واشـوف الصـد اولى بك
غـرامك هــم مع حـيره وقـربك ضـيقة(ن) بالبــال
غــرامـك شي ما يوصــف يا ليت الحـظ ما جــابك
ثمــان ســنين يا ظــــالم وجــرحي تعــــزفه مـوال
ثمــان ســنين يا ظــــالم اهــاب البعــــــد واهـــابك
ثمــان سـنين لا رحــمه جـفاء مع صـد مع اهـمـال
زمــان(ن) فات يـوم إني احــبك واعـــشــق ترابك
تعبت اعـشق تعبت اشكي تعـبت ابكي على الاطلال
تعـــبت وما قـــدرت افـــرح بشـــوفـك واتهـنى بك
واخــيرا جـــيتني تبـكي وتســــألني عن الاحـــوال
عـسـى دمـعــك مـعك دايم ولا يبعــــد عن اهــدابك


شعر

إبراهيم بن عبدالعزيز القدير

ليست هناك تعليقات:

إرسال تعليق