الخميس، 1 مارس، 2012

عـقـب الشــبح


(( عـقـب الشــبح ))

عقب الشبح والصرف والخير والمـال
اصــبـحــت انا فـقـــير ياشــين حــالي
من عـقـب ماكـانت عــطـاياي شــلال
اصـبحـت ادور مـال من عــند غــالي
اول وانا امـشي بين هالنـاس واخـتال
واللي ابيـه اشــريه من حــــر مـــالي
واليـوم جــيبي صـار مـابه ولا ريـال
ولا قــــــدرنا نشـــــتري للعـــــــيالي
الفـقــر خــاواني مـعـه ضـيـقة البــال
وشـلون بسـلى بـس والجـــيب خــالي
عـز الله ان الوضــع ضـيقة وغــربال
يالله انا طــــــالبك رزق(ن) حــــلالي
لمـــار يا بنتـي ترى الوضـع لو طـال
اكــــيد فــي يـوم(ن) تـزين اللـــــيالي
سـبحـان من غــير وبـدل بالاحــــوال
سـبـحــانه الــوالــي عــلــيه اتكــــالي

شعر
إبراهيم بن عبدالعزيز القدير

ليست هناك تعليقات:

إرسال تعليق